Que é isto?
É unha iniciativa absolutamente neutral, aséptica e informativa para levar a cabo unha entrevista a cinco bandas (cinco entrevistas idénticas, máis ben) aos candidatos a Reitor da UdC, podendo así comparar de xeito sinxelo as súas respostas.
A web está lista! Séguenos no noso
twitter
Quen fixo isto?
Somos a
Liga Estudantil Galega, unha organización de estudantes
galega e de
esquerdas.
De
esquerdas porque apostamos polo ensino público e de calidade, a todos os niveis; pois consideramos que a educación pública é un poderoso instrumento do Estado para a redistribución de riqueza e o único garante da igualdade de oportunidades.
Nunha crise coma a que estamos a sufrir, precisamos máis que nunca da Universidade. Cambiar o modelo produtivo. I+D. Transferencia dos resultados da investigación. Termos non baleiros, non tan gastados, e non o suficientemente repetidos. Precisamos que a investigación e os logros que acadan os nosos -brillantes- investigadores cheguen a sociedade. Para transformala, para mudala, para avanzar cara un modelo produtivo sustentábel, limpo e real.
Traballamos en clave de país, sabemos que temos potencial. Negámonos a ter que emigrar para atopar un traballo digno. Negámonos a que ter unha língua propia sexa un problema. Negámonos a que a nosa terra remate sendo un campo de golf cun número particularmente elevado de eucaliptos. Por iso,
galegos.
